Casgliadau Arlein

Llyfr Ateb Amgueddfa Werin Cymru, 1958, yn cynnwys nodiadau yn y Gymraeg gan Mrs E. M. Davies, Cross Inn, Llanon, ar "Hanes fferm Hafod-fawr, Cross Inn, Llanon fel ei cefais gan Alban Jones, Whitehall, Pennant, a fu yno am bum mlynedd dros hanner can mlynedd yn ôl". Mae'r wybodaeth yn dyddio i'r cyfnod tua 1900. Anfonwyd Llyfrau Ateb gan Amgueddfa Werin Cymru ym 1958 at unigolion ar draws Cymru er mwyn casglu a chofnodi gwybodaeth am agweddau o ddiwylliant gwerin yn eu hardaloedd yn cynnwys amaeth, crefftau, bwyd, arferion a thafodiaith. Mae’r ymatebion wedi eu hysgrifennu â llaw yn y llyfrau. Roedd y Llyfrau Ateb yn ddilyniant i’r holiaduron a anfonwyd ym 1937.