Casgliadau Arlein

Gŵr o dras Gymreig oedd y pregethwr John Owen a chafodd ddylanwad aruthrol ar genedlaethau o bregethwyr Calfiniaidd Cymreig. Roedd yn awdur nifer o draethodau crefyddol, cefnogai'r Seneddwyr yn y Rhyfel Cartref a daeth yn Gaplan i Oliver Cromwell ac yn is-ganghellor Prifysgol Rhydychen. Hwyrach bod yr olwg ddwys ar ei wyneb yn awgrymu ei anghymeradwyaeth o’r artist John Greenhill, oedd yn enwog am fwynhau bywyd i’r eithaf, ac a foddodd mewn pwll o ddŵr ar ôl meddwi yn ddiweddarach. Greenhill oedd un o ychydig arlunwyr brodorol talentog yr 17eg ganrif ac mae wedi dal cymeriad cryf ond bywiog y clerigwr piwritanaidd hwn.