Casgliadau Arlein

Un o saith o Lyfrau Ateb Amgueddfa Werin Cymru (MS 1471.6-12) oddiwrth Griffith R. Jones, Deiniolen,1967, yn cynnwys nodiadau ar Llys Bryn Refail a'r cysylltiad gyda'r Tywysog Llywelyn, Copi o farwnad Abel Jones ('Y Bardd Crwst') a bu farw yn 1887, Copi o gerdd gan 'Gabwys' ynglyn â thrychineb ym Mhwllheli, 1889, Atgofion am Plas y Glyn, Sir Fon 1799-1941. Anfonwyd Llyfrau Ateb gan Amgueddfa Werin Cymru at unigolion ar draws Cymru er mwyn casglu a chofnodi gwybodaeth am agweddau o ddiwylliant gwerin yn eu hardaloedd yn cynnwys amaeth, crefftau, bwyd, arferion a thafodiaith. Mae’r ymatebion wedi eu hysgrifennu â llaw yn y llyfrau. Roedd y Llyfrau Ateb yn ddilyniant i’r holiaduron a anfonwyd ym 1937.