Casgliadau Arlein

Amgueddfa Cymru

Chwilio Uwch

Testun rhydd

Rhif yr Eitem

Adnabyddiaeth

Pwnc

Artistiaid/Creadur

Lle

Categori

Cofnodion â delweddau yn unig

Nôl i Ganlyniadau

Barod i forio

BONE, Muirhead (Bone was born in Glasgow and studied at Glasgow School of Art. He settled in London in 1901. He was an official war artist in 1916-1918, and the official Admiralty artist in 1939-1946. As one of Britain’s leading draughtsmen, he was renowned for the almost photographic detail he achieved in his drawings. As well as recording the First World War on the Front, Bone spent time on the Clyde in Scotland, documenting shipbuilding. Bone was knighted in 1937.)

Mae'r llong yma bron yn barod i fynd i ryfel. Gyda'r gweithwyr yn gorffen eu tasgau ac eraill yn cludo nwyddau ar ei bwrdd, mae'r dociau yn frith o ddynion fel morgrug dan anferthedd y llong. Dyma ddisgrifiad cyhoeddiad y 'Western Front' o'r olygfa, ''It looks like chaos, but everything works up perfectly to the moment when she casts off, free of the seas.''

Muirhead Bone oedd yr artist rhyfel swyddogol cyntaf. Roedd yn enwog am greu darluniau â manylder ffotograffig ac ymhlith darlunwyr amlycaf Prydain. Yn ogystal â chofnodi'r rhyfel ar y Ffrynt, treuliodd Bone gyfnod ar lannau'r Clyde yn yr Alban, yn cofnodi bwrlwm y diwydiant adeiladu llongau yno. Byddai'n clymu llyfr nodiadau i'w law er mwyn braslunio. Mae'r printiau yn dangos camau gwahanol y broses adeiladu, yn ogystal â golygfeydd o'r iard, un ohonynt o ben craen. Dywedodd un gohebydd fod ei gyfres, ''delights in the intricacies of scaffolding and mechanical contrivances'.' Ymddangosodd y lluniau hyn yng nghyhoeddiad y Swyddfa Ryfel hefyd, 'The Western Front', cyfrol II, 1917.

Brodor o Glasgow oedd Bone, ac astudiodd yn ysgol gelf y ddinas honno. Ymgartrefodd yn Llundain ym 1901. Bu'n artist rhyfel swyddogol rhwng 1916 a 1918, ac yn artist swyddogol y Morlys rhwng 1939 a 1946. Fe'i urddwyd yn farchog ym 1937.

Mae'r gwaith hwn yn rhan o bortffolio 'The Great War: Britain's Efforts and Ideals,' gyfres o 66 print lithograffig eu comisiynu gan y Weinyddiaeth Wybodaeth ym 1917 I ysbrydoli'r cyhoedd, oedd wedi cael digon ar ryfel, a'u hannog i ymroi i'r Frwydr.