Casgliadau Arlein

Yn y gwaith hwn, mae ffermwyr yn cludo gwartheg a chynnyrch amaethyddol ar draws y tywod o Ystumllwynarth, adeg llanw isel, i Abertawe a welir yn y pellter. Arbenigai Pritchard mewn peintio golygfeydd glan-môr, er mai’r awyr a’r ffigyrau mewn dillad llachar yw prif bwyslais y cyfansoddiad hwn. Ganed Edward Pritchard ym Mryste a bu'n gweithio yno, yn Llundain a Southampton. Arbenigai ar olygfeydd glan-môr ym Mhrydain a Gwlad Belg. Cafodd yr olygfa hon ei harddangos yn yr Academi Frenhinol ym 1856. Mae'n dangos ffermwyr yn mynd â gwartheg a chynnyrch amaethyddol o Ystumllwynarth ar draws y traeth yn Abertawe ar lanw isel.