Casgliadau Arlein

Mae trên yn disgwyl mewn gwaith dur sy’n goleuo’r nos yn yr olygfa ddiwydiannol anferth hon. Gweithfeydd ‘Dowlais-Caerdydd’, a adeiladwyd ar Rosdir Dwyrain Caerdydd (East Moors) ym 1887-97 oedd y cynharaf o’r gweithfeydd dur arfordirol. Denodd sylw rhyngwladol oherwydd ei faint a’i gynllun. Ganed Walden yn Connecticut a bu'n astudio ym Mharis, lle enillodd fedal yn Salon 1903. Bu'n arddangos gyda Chymdeithas Celfyddyd Gain Caerdydd ym 1893 ac roedd yn byw ger Falmouth ym 1897. Mae'r darlun hwn o 1893-7 wedi ei seilio ar fraslun bach olew sydd hefyd yn y casgliad. Cafodd ei waith llai 'Dociau Caerdydd' ei brynu oddi wrth y Salon des Artistes Francais ym 1896 ac erbyn hyn mae yn y Musée d'Orsay ym Mharis.