Casgliadau Arlein

Defnyddiwyd y lamp canfod nwy hon yng Nglofa Universal, Senghennydd. Y perchennog oedd Bowen Jones, un a gollodd ei fywyd yn ffrwydrad 1913. Gan amlaf, swyddogion y pwll yn hytrach na gweithwyr fyddai'n defnyddio lamp Hepplewhite Gray (er nad oes sôn iddynt gael eu defnyddio ym mhwll glo'r Universal ym 1913) ac mae'n bosibl bod Mr Bowen Jones yn un ohonyn nhw, er nad yw ei enw yn ymddangos fel un o'r pedwar ‘ffeiarman' ar ddeg a oedd i lawr y pwll ar adeg y danchwa.