Casgliadau Arlein

Llyfr Ateb Amgueddfa Werin Cymru, 1959, yn y Gymraeg gan Mrs E.M. Davies, Llan-non, Ceredigion yn cynnwys nodiadau am bynciau amrywiol; dydd gwaith gwas fferm, cyflogi gweision, enwau bythynod ardal Bethania, bwydydd, geiriau a dywediadau. Daeth y wybodaeth yn bennaf oddi wrth William Evans, Arfryn, Cross Inn a oedd yn 85 oed ar y pryd. Anfonwyd Llyfrau Ateb gan Amgueddfa Werin Cymru ym 1958 at unigolion ar draws Cymru er mwyn casglu a chofnodi gwybodaeth am agweddau o ddiwylliant gwerin yn eu hardaloedd yn cynnwys amaeth, crefftau, bwyd, arferion a thafodiaith. Mae’r ymatebion wedi eu hysgrifennu â llaw yn y llyfrau. Roedd y Llyfrau Ateb yn ddilyniant i’r holiaduron a anfonwyd ym 1937.