Casgliadau Arlein

Pan welais y llun hwn am y tro cyntaf, roeddwn i'n meddwl tybed pam mae'r briodferch yn edrych mor drist ac o dan straen, ac yna fe gofiais y traddodiadau ac i ba gyfeiriad roedd hi’n syllu. Mae hi'n edrych ar y Mollah sy'n darllen y cytundeb priodas iddi a ddylai hi ddim cytuno nes bod y Mollah yn ailadrodd y cytundeb dair gwaith. Os yw hi'n cytuno ar ôl y darlleniad cyntaf mae'n golygu ei bod hi ar frys ac nad yw'n gwybod ei gwerth. Fy mhryder i’r briodferch o ran y traddodiad hwn yw sut maen nhw'n cofio faint o weithiau mae wedi cael ei ddarllen. Os oes gan y briodferch chwiorydd, maen nhw'n dal darn o les uwchben pen y pâr nes bod y Mollah yn darllen y cytundeb. Mae ei modrybedd a’i mam yn torri torth siwgr uwch ben y pâr gan eu bod yn credu bod hynny’n dod â melyster i’w bywyd. Mae rhai yn credu mai hen draddodiad Zoroastraidd yw hwn.

Ysgrifennwyd y disgrifiad hwn gan Sahar Saki, artist a dylunydd rhyngwladol arobryn o Iran, sy’n byw yng Nghaerdydd.