Casgliadau Arlein

Arloesodd a datblygodd Maurice Marinot wydr fel gyfrwng celfyddydol yn y stiwdio. Paentiwr ydoedd yn wreiddiol, un o ‘Anifeiliaid Gwyllt’ y mudiad Fauve yn Ffrainc a gafodd eu henwi oherwydd eu defnydd eofn o liw pur. Cynhyrchai Marinot weithiau unigryw wedi’u cynhyrchu â llaw a heb fowldiau. Byddai’n manteisio ar bob un o sgiliau’r triniwr gwydr, gan chwythu a thrin y gwydr eirias a’i ysgythru ag asid a’i hollti pan yn oer. Byddai’n cau gwydr lliw mewn gwydr clir fel strata daearegol, yn creu effaith iâ wedi hollti drwy drochi gwydr poeth mewn dwr oer, ac yn cyfleu llif dwr drwy reoli swigod aer yn ofalus.