Casgliadau Arlein

Yr Iarlles Anna de Hornes oedd mam y Tywysog Eugene Alexander enwog, y mae darlun ohono yma hefyd. Roedd Leermans yn ymwneud â grŵp o artistiaid o Leiden a arbenigai mewn peintiadau bach hynod fanwl. Fe"u gelwid yn Leiden 'fijnschilders' (arlunwyr coeth). Yn yr enghraifft hon, mae wedi peintio ar gopr i greu darlun llyfn a chaboledig. Byddai unrhyw un a fyddai wedi edrych ar y darlun yn y cyfnod hwnnw, cyn dyfodiad camerâu, wedi rhyfeddu at berffeithrwydd portreadau o'r fath. Yn ogystal â llofnod yr arlunydd ar gymar y llun hwn, mae ar y ddau arysgrif sy'n cofnodi dyddiadau'r gwrthrych.