Casgliadau Arlein

Yn ei phortreadau a’i ffotograffau dogfennol, roedd Martine Franck yn canolbwyntio ar fenywod, artistiaid a chymunedau ymylol wrth iddi geisio archwilio’r cyflwr dynol. Mae ei gwaith yn cael ei nodweddu gan ei dynoliaeth a’i pharch at ei phynciau. Yn y ffotograff du a gwyn yma, gwelwn sawl menyw’n ymlacio ar ddecin pwll cerfluniol yn ne Ffrainc – gyda rhai ohonyn nhw’n sgwrsio neu’n gwneud ymarfer corff ysgafn, tra bod eraill yn mwynhau teimlad golau’r haul ar eu croen. Mae’r llun yn cyfleu eiliadau hyfryd a digymell bywyd bob dydd, a manteision iechyd a lles ymlacio.