Casgliadau Arlein

Llyfr Ateb Amgueddfa Werin Cymru,1961-2, un o bedwar oddi wrth Evan Evans, Gwytherin, Abergele, yn cynnwys nodiadau amrywiol ar blwyf Llansannan, er enghraifft, hanes teulu Thomas y Crown a oedd yn gof yn Llansannan', ymladd ceiliogod, claddedigaethau, arferion, Ffair Cyflogi Llansannan, barddoniaeth ymysg eraill. Anfonwyd Llyfrau Ateb gan Amgueddfa Werin Cymru ym 1958 at unigolion ar draws Cymru er mwyn casglu a chofnodi gwybodaeth am agweddau o ddiwylliant gwerin yn eu hardaloedd yn cynnwys amaeth, crefftau, bwyd, arferion a thafodiaith. Mae’r ymatebion wedi eu hysgrifennu â llaw yn y llyfrau. Roedd y Llyfrau Ateb yn ddilyniant i’r holiaduron a anfonwyd ym 1937.