Casgliadau Arlein

Ganed Tish Murtha yn ardal South Shields yn 1956, y drydedd o ddeg o blant. Astudiodd ffotograffiaeth yng Ngholeg Celf Casnewydd o dan arweiniad y ffotograffydd David Hurn. Ar ôl ei hastudiaethau, dychwelodd i ogledd ddwyrain Lloegr i ddogfennu'r amddifadedd mae cymunedau yn Newcastle upon Tyne yn ei brofi. Roedd yr ardal ddiwydiannol hon a fu’n llewyrchus unwaith yn un o’r rhai a gafodd ei tharo waethaf ym Mhrydain yn ystod blynyddoedd dad-ddiwydiannu Thatcher, wrth i dlodi, tai gwael a diweithdra gynyddu. Mae’r ffotograff hwn yn amlygu cyflwr y cenedlaethau iau a ddioddefodd yn fawr yn ystod y cyfnod hwn, a’r empathi a rennir rhwng Murtha a’i phynciau.