Casgliadau Arlein

Mae cyfres Cerdded yn Rhufain gan Catrin Webster yn cofnodi’i hargraffiadau o gyfres o eiliadau drwy amser. Mae’r lliwiau a’r siapiau yn y gwaith hwn yn cyfleu’r profiad dynol cyffredinol o’r cydadwaith rhwng symudiad, golau, lliw a’n canfyddiad gofodol ni ein hunain o’r endidau amrywiol hyn. Mae’r artist yn disgrifio’r gwaith fel “Eiliadau diflanedig, y cysylltiad anniriaethol ond hollol ddirdynnol â lle, a welir ac a brofir wrth deithio drwyddo; cipolwg, rhywbeth a deimlir ond heb sylwi arno’n llawn; mae pethau sy’n bodoli y tu hwnt i lun neu rendrad ffotograffig, yn disgyn ar wyneb y paentiadau.”