Casgliadau Arlein

Mae Cerfiad Rhif 5 yn perthyn i gyfres o gerfiadau carreg o’r 1980au cynnar a greodd Barry Flanagan mewn cydweithrediad â chrefftwyr yn Pietrasanta yn yr Eidal. Creodd y maquettes drwy wasgu clai yn ei ddwylo. Yna, cafodd y rhain eu graddio i fyny a’u copïo mewn marmor gan gerfwyr Eidalaidd, a gadwodd nodweddion ac olion bysedd y model clai gwreiddiol. Drwy gerfio carreg i edrych fel clai wedi’i fodelu, mae Flanagan yn gwneud jôc gerfluniol sydd fel petai’n cyfeirio at ddadl barhaus ym myd cerflunwaith modernaidd – rhinweddau cymharol cerfio a modelu.