Casgliadau Arlein

Ganed David Nash yn Lloegr, ac mae wedi bod yn byw ac yn gweithio ym Mlaenau Ffestiniog ers 1967. Gan ymgartrefu yng Nghapel Curig, mae hen Gapel Rhiw yn stiwdio iddo. Mae Nash yn ymwybodol o’r amgylchedd, gan gredu – gan ein bod “ni i gyd oddi mewn ac yn rhan o’r amgylchedd” – ein bod ni i gyd wedi effeithio arno. Mae byd natur, y tirlun a choed yn ffurfio canolbwynt i waith Nash. Mae hyn yn cynnwys coed byw a choed sydd wedi cwympo’n naturiol neu sydd â chlefyd. Er mwyn creu ei gerfluniau, mae Nash yn torri, yn cerfio, yn llosgi ac yn trin y pren. Mae ei waith yn cyfuno ffurfiau haniaethol a ffigurol. I’r un darn hwn o bren ffawydd, cerfiodd Nash wyth ddarn gwastad. Gan ddefnyddio llif gadwyn, torrodd holltau llorweddol yn ofalus i mewn i’r pren i wneud y toriadau. Yna, gadawyd y golofn i sychu’n naturiol, ac arweiniodd hyn at ffurfio craciau a chamdroadau sy’n creu’r gwahanol weadau a siapiau.