Casgliadau Arlein

Parhaodd Gwen John i wneud darluniau yn yr eglwys o ddechrau’r 1920au hyd ddiwedd ei gyrfa, ac mae’r rhain yn anodd iawn eu dyddio. Cafodd ei beirniadu unwaith am dynnu llun yn yr eglwys, ond ei hymateb oedd: “Wy’n hoffi gweddïo yn yr Eglwys fel pawb arall, ond nid wy’n gallu gweddïo am amser hir – pe bawn i’n neilltuo’r holl amser hwnnw ni fyddai digon o hapusrwydd yn fy mywyd”.