Casgliadau Arlein

Mae hwn yn un o chwe chynfas gan y peintiwr o Antwerp, Melchior d'Hondecoter, a fu'n crogi yng nghartref Emily Charlotte, merch C.R.M. Talbot (1803-90) o Abaty Margam a Chastell Penrhys yn Llundain. Mae'n darlunio parc gwledig gydag adar o flaen pistyll a theras addurnedig gyda cherfluniau a ffigyrau. Roedd Hondecoeter yn arbenigo mewn cynfasau mawr addurnol llawn adar byw. Byddai'n peintio darluniau hynod o real o adar domestig ac egsotig, gan bwysleisio prydferthwch eu lliwiau a'u gweadau. Yma, gwelwn adar Ewropeaidd wrth ymyl paun, twrci o Ogledd America a garan goronog yr Affrig o flaen ffynnon ar deras addurnol. Defnyddiwyd darluniau o'r fath i addurno plastai noddwyr cefnog yr Iseldiroedd.