Casgliadau Celf Arlein

Ganwyd Roos ym Modgadfa, Ynys Môn, a gwelodd beth llwyddiant fel portreadwr a pheintiwr anifeiliaid. Ysgythrodd y portread hwn o'r gweinidog gyda'r Bedyddwyr Christmas Evans (1766-1838) mewn mesotint, a dyma'i waith mwyaf enwog. Roedd Evans yn un o bregethwyr grymus ei ddydd, yn ddiwygiwr tân a brwmstan a fedrai yrru cynulleidfa i afael ofn mawr neu i ecstasi crefyddol. Llwydda peintiad Roos i gofnodi grym corfforol y dyn - a oedd yn ôl y sŵn yn 7 troedfedd o daldra - a dim ond un llygad ganddo a'r gofod lle dylai'r llygad arall fod wedi ei wnïo ynghau.