Casgliadau Celf Arlein

Hyfforddwyd Evan Walters yn Ysgol Gelfyddyd Abertawe. Dosbarth gweithiol oedd ei gefndir ym maes glo Gorllewin Morgannwg. Roedd ei waith yn cynnwys golygfeydd diwydiannol, yn ogystal â thirluniau, portreadau a pheintiadau crefyddol a ysbrydolwyd gan y traddodiad Anghydffurfiol Cymreig. Yn y gwaith hwn o tua 1932 mae osgo'r areithiwr, sy'n debyg i eiddo Crist, yn amwys, ac mae ei gynulleidfa yn dawel, yn hytrach na llawn ysbrydoliaeth oherwydd ei angerdd. Yn y 1930au arafodd gyrfa Walters ac ychydig o ddiddordeb oedd yn ei ddelweddau diwydiannol yn ystod ei oes. Fe'i cofir heddiw am y modd y bu'n pledio achos celfyddyd yng Nghymru a fyddai'n mynegi delfrydau ac enaid Cymru.