Casgliadau Celf Arlein

Bu Archipenko yn astudio yn ei ddinas enedigol, Kiev ac yn Mosgo cyn symud i Baris ym 1908. Yno rhannai stiwdio gyda Modigliani a Gaudier - Brzeska. Bu'n byw yn Berlin ym 1921-23 cyn ymfudo i'r Unol Daleithiau. Mae'r cast hwn yn un o chwe darn efydd o blastr gwreiddiol (Amgueddfa Celfyddyd Fodern Efrog Newydd) a arferai berthyn i Fernand Leger. Hwn yw un o weithiau cynnar mwyaf grymus Archipenko, ac y mae'n cyfuno'r ffigyrau a'r sail yn greadigaeth debyg i beiriant yn llawn ffurfiau geometrig sy'n gwau drwy ei gilydd.