Casgliadau Celf Arlein

Dyddiad: 1923

Cyfrwng: priddwaith

Maint: h(cm) : 18.6 x d(cm) : 14.3 x h(in) : 7 3/8,h(cm)

Derbyniwyd: 1924; Prynwyd

Rhif Derbynoli: NMW A 32116

Jar gan Bernard Leach sydd ar y chwith yma. Ag yntau yn ei Grochendy yn St Ives yn Ionawr 1924 ysgrifennodd Leach at ei ewythr, Dr William Evans Hoyle oedd ar y pryd yn Gyfarwyddwr cyntaf Amgueddfa Cymru; yn ei farn ef, hwn oedd y potyn slipwaith gorau a gynhyrchodd yn Lloegr. Roedd y motiff coeden a welir ar y ddwy ochr yn ffefryn gan Leach a’r rhiciau anniddig yn adlais o arddull ei yrfa flaenorol fel cerflunydd. Mwy na thebyg i’r brychau yn y grwnd gael ei greu â phen dolen brws bambŵ. Tra bod Leach ei hun yn disgrifio’r potyn fel ‘slipwaith Lloegr’ mae arddull yr addurn yn adlais o linellau glân a bywiog fâs crochenwaith caled Cizhou Tsieina llinach Song yr oedd Leach yn ei hedmygu. Bu Leach yn brwydro drwy’r 1920au a’r 1930au i wneud bywoliaeth, ond gydag amser daeth yn grochenydd mwyaf dylanwadol y ganrif. Bu ei botiau, ei ysgrifennu a’i genhadu yn sbardun i genedlaethau o grochenyddion efelychu ei arddull Ddwyreiniol. Er taw crochenwaith dwyrain Asia – yn enwedig Tsieina llinach Song – oedd pinacl cerameg yn ei farn ef, canfu yn slipwaith Lloegr yr ail ganrif ar bymtheg arddull cyfatebol, gwirioneddol frodorol oedd yn deilwng o’i efelychu.

Gadael sylw

Nôl i hafan Casgliadau Celf Ar-lein

Pori artistiaid

A B C D E F G H I J K L M N O P Q R S T U V W X Y Z i gyd Arall

Pori gwneuthurwyr a chynllunwyr

Pori yn ôl llythyren:

A B C D E F G H I J K L M N O P Q R S T U V W X Y Z i gyd