Casgliadau Celf Arlein
Icarus
GILBERT, Sir Alfred (1854 - 1934)
![](/media/5609/nmwa116.jpg)
Sir Alfred Gilbert (1854 - 1934)
Dyddiad: 1884
Cyfrwng: efydd
Maint: 100.0 cm
Derbyniwyd: 1938; Rhodd; Syr William Goscombe John
Rhif Derbynoli: NMW A 116
Comisynwyd gwaith efydd Gilbert ym 1882 gan Frederic Leighton (yr Arglwydd Leighton wedi hynny), a gadawyd i'r cerflunydd ddewis ei bwnc. Dewisodd Icarws, mab chwedlonol y dyfeiswr Groegaidd, Daedalws. Rhoes ei dad adenydd a phlu o gwyr iddo, ond hedfanodd Icarws yn rhy agos i'r haul gan syrthio i'r ddaear ar ôl i'r cwyr doddi. Mae hwn yn dangos dylanwad amlwg Donatello ac mae'n un o weithiau efydd harddaf y bedwaredd ganrif ar bymtheg.
Cydnabyddwyd safon eithriadol o uchel y gwaith gan yr Academi Frenhinol ym 1884 a bu'n gyfrwng i sefydlu Gilbert fel cerflunydd mwyaf dylanwadol ei genhedlaeth. Defnyddiwyd Icarws yn aml i ymgorffori peryglon uchelgais yr ifainc ac ystyriai Gilbert fod y gwaith efydd yn fath o hunan bortread seicolegol. Mae hwn yn ddarn unigryw a gafodd ei gastio yn Napoli. Dywedai Gilbert mai hwn oedd ei hoff waith.