Cwestiynau Cyffredin Calan Gaeaf 2026

Alla i barcio ar y safle?

Gallwch, mae nifer cyfyngedig o lefydd parcio am ddim ar gael i ddeiliaid tocynnau o 4.30pm ymlaen. Rydyn ni wedi dyrannu’r tocynnau i’r nifer o lefydd parcio sydd ar y safle. Ceisiwch rannu car lle bo’n bosibl.

Mae cerbydau ac eiddo yn cael eu gadael ar risg y perchennog, ac nid ydyn ni'n derbyn unrhyw gyfrifoldeb am unrhyw golled neu ddifrod i gerbydau na'u cynnwys. Peidiwch gadael unrhyw beth gwerthfawr yn eich car. 

Am faint mae’r digwyddiad yn para?

Bydd y drysau'n agor am 5.30pm a'r digwyddiad yn gorffen am 9pm.

Faint o’r gloch ddylwn i gyrraedd?

Mae drysau'n agor am 5.30pm. Bydd yr Amgueddfa ar agor i'r cyhoedd tan 4pm bob dydd. Peidiwch â chyrraedd cyn 4pm i atal tagfeydd gan gerbydau ac ymwelwyr sy'n gadael. 

Oes angen i mi archebu ymlaen llaw? 

Oes. Mae cyfyngiad ar y niferoedd ac rydym yn disgwyl i docynnau werthu'n gyflym. Prynwch eich tocyn o flaen llaw o'n gwefan i osgoi cael eich siomi.

Alla i brynu tocyn ar y drws? 

Na. Mae hwn yn ddigwyddiad lle mae angen prynu tocyn ymlaen llaw. Archebwch eich tocyn o'n gwefan.

Fydd y digwyddiad yn cael ei ganslo oherwydd tywydd gwael? 

Na fydd – bydd y digwyddiad yn mynd yn ei flaen beth bynnag fo'r tywydd! Gwisgwch ddillad priodol. Rydyn ni'n argymell welis a dillad glaw yn barod i fwynhau tywydd hyfryd Cymru. Bydd y rhan fwyaf o'r digwyddiad yn yr awyr agored gyda rhai gweithgareddau dan do i nifer cyfyngedig. 

Alla i newid fy nyddiad?

Nid oes modd trosglwyddo nac ad-dalu’r tocynnau hyn, felly gwnewch yn siŵr eich bod chi’n archebu tocynnau ar y dyddiad cywir cyn mynd ymlaen i gwblhau’r archeb. 

Oes angen i mi archebu tocyn i’m babi?

Oes – bydd angen archebu tocyn am ddim ar gyfer babanod dan 2 oed (ar ddiwrnod y digwyddiad). Ni fyddant yn gallu mynd i mewn i’r digwyddiad heb docyn. Cofiwch gynnwys pob baban yn eich archeb. Oherwydd cyfyngiadau capasiti, nid oes unrhyw warant y byddwn yn gallu ychwanegu tocynnau babanod ychwanegol at eich archeb yn ddiweddarach.

Galla i ddod â fy mhlentyn mewn pram?

Caniateir pramiau a chadeiriau gwthio ar y safle ond ni cheir mynd â nhw i mewn i’r adeiladau hanesyddol. Mae'r nosweithiau hyn yn tueddu i fod yn brysur gyda nifer o bobl yn symud mewn cyfeiriadau gwahanol. Byddwch yn amyneddgar wrth wthio eich pram o gwmpas llwybrau’r safle.

Oes cyfleusterau newid cewynnau? 

Oes, maen nhw ar gael ger y Brif Fynedfa. ⁠

Ydych chi'n caniatáu gwisg ffansi? 

Ydyn! Rydyn ni'n eich annog i ddod draw yn eich gwisg ffansi i ddychryn yr ymwelwyr.

Alla i ddod â fy nghi? 

Na. Gadewch eich cŵn adref ar gyfer y digwyddiad hwn os gwelwch yn dda. Gall y safle fod yn brysur iawn a gorflino eich cŵn. 

Oes toiledau ar y safle?

Oes, mae toiledau ar y safle – dilynwch yr allwedd ar y map. 

Pa mor hygyrch yw'r safle? 

Mae llefydd parcio penodol i ymwelwyr anabl ar gael ger y brif fynedfa.

Mae cadeiriau olwyn ar gael am ddim, ar gais – y cyntaf i'r felin amdani. ⁠Mae mynediad cadair olwyn i'r rhan fwyaf o'r safle, ond oherwydd pensaernïaeth hanesyddol rhai o’r adeiladau, gall mynediad fod yn anodd. 

Uned Lleoedd Newid: Mae dau doiled Lleoedd Newid ar gael gan gynnwys un sydd â gwely electronig ac offer codi yn ogystal â'r cyfleusterau arferol. Gofynnwch i aelod staff am fanylion os gwelwch yn dda. 

Beth yw eich polisi ysmygu? 

Ni chaniateir ysmygu (gan gynnwys e-sigaréts) ar y safle. 

Beth sydd angen i mi ei wneud gyda fy e-docynnau?

⁠Byddwch yn barod i sganio eich e-docyn(nau) yn y fynedfa. Rydym yn argymell i chi lawrlwytho ac ychwanegu eich e-docynnau at waled eich ffôn cyn cyrraedd yr Amgueddfa. Bydd angen tocyn ar bob ymwelydd, ac ni fydd unrhyw docynnau ychwanegol ar werth ar y noson. Gallwch ddod o hyd i’ch e-docynnau yn eich mewnflwch neu yn eich cyfrif ar-lein yma.

⁠Faint o'r gloch fydd y Dyn Gwiail yn llosgi? 

Bydd seremoni Llosgi'r Dyn Gwiail yn dechrau am 8.30pm bob nos. Ewch i Gae Cilewent, lle bydd y cymeriadau ysbrydol yn dod at ei gilydd. Cymerwch ran wrth alw ar ysbrydion a gwneud dymuniad.

Pa mor dywyll fydd hi? 

Bydd goleuadau Calan Gaeaf ar hyd y safle, ond gallai rhai ardaloedd fod braidd yn dywyll. Rydyn ni'n eich argymell i ddod â thortsh, rhag ofn!

Oes tocynnau gofalwyr am ddim?

Mae tocynnau Hynt ar gael ar gyfer y digwyddiad hwn. Sicrhewch eich bod wedi cysylltu eich cerdyn Hynt gyda’ch cyfrif Amgueddfa Cymru i hawlio tocynnau am ddim i ofalwyr a chyfeillion drwy’r cynllun hwn.

A yw’r digwyddiad yn addas ar gyfer pobl niwroamrywiol neu bobl ag anableddau a/neu Anghenion Dysgu Ychwanegol?

Rydym am i’r digwyddiad hwn fod mor gynhwysol a chroesawgar â phosibl i bob teulu. Cysylltwch â digwyddiadau@amgueddfacymru.ac.uk cyn archebu eich tocynnau i drafod unrhyw ofynion hygyrchedd.

Rydym yn cydnabod bod pawb yn profi pethau fel torfeydd, gwisgoedd, synau, goleuadau a phrofiadau annisgwyl yn wahanol. Gallwn ddarparu ardal dawel, map synhwyraidd a/neu amserlen ar gais i helpu gyda disgwyliadau ac i gefnogi ystod o anghenion a lefelau cysur.

Rydym yn annog teuluoedd neu ofalwyr i benderfynu yn seiliedig ar eu hanghenion unigol. Mae croeso i chi gysylltu â’r tîm Digwyddiadau os oes gennych bryderon neu geisiadau penodol.

A fydd y Dyn Gwiail yn cael ei losgi os bydd y tywydd yn wael?

Am resymau diogelwch, ni fydd y Dyn Gwiail yn cael ei losgi mewn gwyntoedd cryfion nac amodau tywydd peryglus eraill. Rydym yn monitro’r rhagolygon yn ofalus a byddwn yn bwrw ymlaen dim ond pan fydd yr amodau’n ddiogel i fynychwyr, staff, a’r ardal gyfagos.