Digwyddiadau Digidol
online:Sgwrs Amgueddfa: Dathlu llyfr newydd am cerameg Cymreig
Amgueddfa Cymru yw cartref y casgliad gorau yn y byd o grochenwaith a phorslen Cymreig. Does dim un llyfr newydd wedi'i gyhoeddi ar y pwnc ers hanner can mlynedd – tan nawr. Ymunwch â ni i ddathlu cyhoeddi'r llyfr newydd hwn, sy'n dangos sut y tyfodd y casgliad prydferth ac yn rhannu gwybodaeth newydd am y diwydiant a'i grefftau. Byddwch chi'n clywed am dwf y diwydiant cerameg yn ne Cymru rhwng 1764 a 1922 – hanes diddorol o falchder lleol ac uchelgais rhyngwladol. Byddwn ni hefyd yn dysgu am y bobl tu ôl i lwyddiannau'r diwydiant yn wyneb heriau ymarferol ac economaidd mawr. Yn anad dim, mae'r llyfr yn rhoi cydnabyddiaeth ddilys o'r diwedd i grochenwaith a phorslen ymhlith llwyddiannau diwydiannol a chelfyddydol Cymru.
6pm - Cynhelir y sesiwn yma yn Gymraeg Tocynnau
7pm - Cynhelir y sesiwn yma yn Saesneg Tickets
Gwybodaeth Bwysig
Bydd y sgwrs hon yn cael ei chynnal fel gweminar by war Zoom. Bydd e-bost gyda dolen i ymuno â’r weminar yn cael eu hanfon i chi 24 awr cyn y sgwrs. Gall hefyd gael mynediad i’r ddolen yma trwy eich porth cwsmer Amguedda Cymru ar-lein. Edrychwch yn eich ffolderi sbam/sbwriel os na allwch weld yr e-byst a chysylltwch â digwyddiadau@amgueddfacymru.ac.uk os oes problem.
Bydd y weminar ar gael i'w gwylio am 48 awr wedi'r digwyddiad a bydd dolen yn cael ei gyrru i chi drwy e-bost yn dilyn y sgwrs.
Os ydych chi’n prynu llyfrau yn gysylltiedig â’r sgwrs hon, cofiwch y bydd gwerthiant yn dod i ben 10 munud cyn y digwyddiad, ac y bydd pob archeb yn cael ei phostio ar ôl yr amser hwn.
,for
Gwybodaeth
Pot serameg gwyn wedi ei addurno gyda blodau.
Clywed mwy gan Amgueddfa Cymru
Ry’n ni yn gweithio ar arddangosfeydd a digwyddiadau newydd a chyffrous - beth am fod ymysg y cyntaf i glywed amdanyn nhw?
Cofrestrwch i'n cylchlythyr heddiw
Bydd eich enw a'ch cyfeiriad e-bost yn cael eu cadw er mwyn anfon ein e-lythyr misol atoch chi. Os oes gennych unrhyw gwestiynau ynghylch eich data a'n defnydd ni ohono, ewch i’n Hysbysiad Preifatrwydd