Ymunwch â'r curaduron hanes natur am weminar fyw, arbennig am rai o anifeiliaid a phlanhigion gwyllt mwyaf swil Cymru.

Y tro hwn byddwn ni’n edrych ar ddwy rywogaeth llawn cymeriad o ogledd Cymru – Saerwenynnen Fawr y clogwyni, a Pryf Milwrol Clybiog y gwlyptiroedd. Byddwn ni’n dysgu pam fod y pryfed prydferth hyn yn brin, a beth sy’n eu gwneud nhw’n unigryw.

Dysgwch sut a ble allwn ni ganfod ac adnabod y molysgiaid hyn, eu cyswllt â phobl, a beth sy'n cael ei wneud i'w harbed rhag marw allan. 

Mae'r weminar hon yn rhan o gyfres o brofiadau adnabod rhywogaethau ar-lein gan guraduron hanes natur Amgueddfa Cymru. ⁠Bydd ein curaduron yn defnyddio ffotograffau a fideos o'r Amgueddfa a chynefinoedd gwyllt i fynd â chi ar 'daith maes rithwir' er mwyn dangos beth sy'n unigryw am bob rhywogaeth, a'r gwaith i'w gwarchod. Mae'r gyfres yn trafod detholiad o rywogaethau sydd wedi'u targedu gan Natur am Byth, partneriaeth adfer ledled Cymru sy'n uno naw sefydliad cadwraeth a Cyfoeth Naturiol Cymru.

Rydyn ni'n dangos rhywogaethau llai adnabyddus, ac anodd eu hadnabod, yn fwriadol. Mae cynyddu cysylltiad pobl â'r rhywogaethau hyn yn un o amcanion pwysig Natur am Byth, ac mae'r weminar yn agored i unrhywun sydd â diddordeb ym mywyd gwyllt Cymru. ⁠

Diolch i chwaraewyr y Loteri Genedlaethol, mae Natur am Byth wedi ariannu gan Gronfa Treftadaeth y Loteri Genedlaethol, gyda chefnogaeth gan Cyfoeth Naturiol Cymru, Llywodraeth Cymru a noddwyr eraill sydd wedi'u rhestru ar wefan y rhaglen.

Gwybodaeth ychwanegol

· Bydd cyfle i ofyn cwestiynau yn ystod y weminar.

· Bydd y cyflwyniad hwn yn cael ei roi ym mamiaith y siaradwr, sef Saesneg.

· Bydd y sesiynau yn rhedeg ar blatfform Vimeo.

· Bydd y weminar yn cael ei recordio, a bydd fersiwn wedi'i golygu yn ymddangos ar-lein yn ddiweddarach.

Mae'r digwyddiad hwn am ddim, ond mae pob rhodd, boed yn fawr neu yn fach, yn ein helpu i sicrhau bod Amgueddfa Cymru yn perthyn i bawb ac yma at ddefnydd pawb. Gallwch chi roi drwy fynd i Ein cefnogi | Amgueddfa Cymru.

Mae ein rhaglen gyhoeddus yn cael ei chefnogi'n hael gan chwaraewyr People's Postcode Lottery.