Synau’r Deinosoriaid
🔍 Darganfod ac archwilio
Camwch yn ôl mewn amser gan ddod â'r byd cynhanesyddol yn fyw yn yr antur ryngweithiol, llawn synau! Yn Synau’r Deinosoriaid, bydd disgyblion yn archwilio gwrthrychau go iawn o’r amgueddfa, yn ymchwilio i gliwiau diddorol am ffosilau, ac yn defnyddio eu chwilfrydedd i ofyn cwestiynau mawr am oes y deinosoriaid.
✏️ Cymryd rhan
Bydd dysgwyr yn cael cyfle i drin ffosilau deinosoriaid go iawn. Drwy chwarae creadigol a dysgu synhwyraidd, bydd plant yn dychmygu ac yn ail-greu coedwig gynhanesyddol drwy adeiladu nyth o lysysyddion a chigysyddion. Byddwn yn gorffen gyda sesiwn adrodd straeon bywiog, sy'n seiliedig ar sain lle byddant yn dod yn rhan o'r dirwedd gynhanesyddol.
ℹ️ Ynglŷn â'r sesiwn hon
Mae'r gweithdy’n cynnwys trafodaethau ynghylch difodiant ac yn cynnwys ail-greu synau y gallai deinosoriaid fod wedi'u gwneud. Rhowch wybod i ni pan fyddwch chi'n archebu os oes gennych unrhyw ddisgyblion a fyddai'n sensitif i'r profiadau hyn, a byddwn yn gwneud ein gorau glas i wneud i bawb deimlo'n gyfforddus!
Cwricwlwm
Y Celfyddydau Mynegiannol
- Mae creu yn cyfuno sgiliau a gwybodaeth, gan dynnu ar y synhwyrau, ysbrydoliaeth a dychymyg.
Y Dyniaethau
- Mae ymholi, archwilio ac ymchwilio yn ysbrydoli chwilfrydedd am y byd, ei orffennol, ei bresennol a’i ddyfodol.
- Mae ein byd naturiol yn amrywiol a deinamig, wedi’i ddylanwadu gan brosesau a gweithredoedd dynol.
- Mae dinasyddion gwybodus, hunanymwybodol yn mynd i’r afael â’r heriau a’r cyfleoedd sy’n wynebu dynoliaeth, ac yn gallu cymryd camau ystyrlon ac egwyddorol.
Ieithoedd, Llythrennedd a Chyfathrebu
- Mae ieithoedd yn ein cysylltu â’n gilydd.
- Mae mynegi ein hunain drwy ieithoedd yn allweddol i gyfathrebu.
Gwyddoniaeth a Thechnoleg
- Mae bod yn chwilfrydig a chwilio am atebion yn hanfodol i ddeall a rhagfynegi ffenomenau.
- Mae’r byd o’n cwmpas yn llawn pethau byw sy’n dibynnu ar ei gilydd i oroesi.
Sut i archebu
I archebu neu i drafod y sesiwn ffoniwch (029) 2057 3240 neu e-bostiwch addysg@amgueddfacymru.ac.uk
