Gweithdy: Cynefin | Museum Wales

Gweithdy Amgueddfa

Cynefin: archwilio trwy gelf

🔍 Darganfod ac archwilio

Beth mae Cymru yn ei olygu i chi? Sut mae ein hamgylchedd a'n cymunedau yn llunio pwy ydym ni?

Yn y gweithdy ysbrydoledig hwn, bydd dysgwyr yn archwilio’r syniad Cymreig o gynefin drwy orielau celf Amgueddfa Genedlaethol Caerdydd. Drwy archwilio’r gweithiau celf a chymryd rhan mewn gweithgareddau creadigol, bydd disgyblion yn archwilio eu cynefin personol eu hunain, hunaniaeth Gymreig a beth mae’n ei olygu i fod yn ddinesydd byd-eang yng Nghymru a’r byd.

✏️ Cymryd rhan

Bydd dysgwyr yn cymryd rhan mewn o leiaf dau weithgaredd creadigol a fydd yn eu hannog i archwilio eu cynefin personol eu hunain, myfyrio ar sut mae ein hamgylchedd naturiol yn cyfrannu at ein hymdeimlad o hunaniaeth ac ystyried eu rôl fel dinasyddion yng Nghymru a'r byd.

ℹ️ Ynglŷn â'r sesiwn hon

Yn y gweithdy hwn byddwn yn archwilio themâu perthyn a'r argyfwng hinsawdd. Rhowch wybod i ni pan fyddwch chi'n archebu os oes gennych chi unrhyw ddisgyblion a fyddai'n sensitif i'r profiadau hyn, a byddwn ni'n gwneud ein gorau i wneud i bawb deimlo'n gyfforddus!

Hyd: 1 awr

Tâl: Dan arweiniad staff yr Amgueddfa – £40 am hyd at 15 disgybl, £60 am hyd at 35 disgybl. Am ddim i rai ysgolion (gwelwch sut i archebu).

Cwricwlwm

Y Celfyddydau Mynegiannol

Mae archwilio’r celfyddydau mynegiannol yn hanfodol er mwyn dyfnhau sgiliau a gwybodaeth gelfyddydol, ac mae’n galluogi dysgwyr i ddod yn unigolion chwilfrydig a chreadigol.
Mae ymateb a myfyrio, fel artist ac fel cynulleidfa, yn rhan hanfodol o ddysgu yn y celfyddydau mynegiannol.
Mae creu yn cyfuno sgiliau a gwybodaeth, gan dynnu ar y synhwyrau, ysbrydoliaeth a dychymyg.

Iechyd a Lles

Mae’r ffordd rydym yn prosesu ein profiadau ac yn ymateb iddyn nhw yn effeithio ar ein hiechyd meddwl a’n lles emosiynol.
Mae’r ffordd rydym yn ymwneud â dylanwadau cymdeithasol yn siapio pwy ydyn ni, ac yn effeithio ar ein hiechyd a’n lles.

Ieithoedd, Llythrennedd a Chyfathrebu

Mae ieithoedd yn ein cysylltu â’n gilydd.
Mae deall ieithoedd yn allweddol i ddeall y byd o’n hamgylch.
Mae mynegi ein hunain drwy ieithoedd yn allweddol i gyfathrebu.

Y Dyniaethau

Mae ymholi, archwilio ac ymchwilio yn ysbrydoli chwilfrydedd am y byd, ei orffennol, ei bresennol a’i ddyfodol.
Mae digwyddiadau a phrofiadau dynol yn gymhleth a chânt eu hamgyffred, eu dehongli a’u cynrychioli mewn gwahanol ffyrdd.
Mae ein byd naturiol yn amrywiol a deinamig, wedi’i ddylanwadu gan brosesau a gweithredoedd dynol.
Mae cymdeithasau dynol yn gymhleth ac yn amrywiol, ac maen nhw’n cael eu llywio gan weithredoedd a chredoau pobl.
Mae dinasyddion gwybodus, hunanymwybodol yn mynd i’r afael â’r heriau a’r cyfleoedd sy’n wynebu dynoliaeth, ac yn gallu cymryd camau ystyrlon ac egwyddorol.