Ydych chi ar fin cychwyn neu’n dod i ddiwedd gwersi ar gysyniad neu thema benodol? Ydych chi’n chwilio am ysbrydoliaeth i hybu chwilfrydedd eich disgyblion? 

Mae gweithdai Dangos a Dweud yn hanner awr o hyd ac yn costio £40 ar gyfer hyd at 30 o ddisgyblion.

Bydd y gweithdai’n cael eu harwain gan aelod o’r tîm addysg, ac yn defnyddio casgliad yr amgueddfa i edrych ar brofiadau bywyd beunyddiol pobl Cymru yn y gorffennol a beth allwn ni ddysgu ei wneud yn ein bywydau ni heddiw ac yn y dyfodol.

Rydyn ni ar hyn o bryd yn cynnig gweithdai Dangos a Dweud ar gyfer y canlynol:

-             Maestir – Ysgol o Oes Fictoria

-             Llys Llywelyn – Llys o Oes y Tywysogion

-             Bryn Eryr – Tai Crwn o Oes yr Haearn

-             Gwalia – Siop o’r 1920au

Gallwn gynnig gweithdai Dangos a Dweud cyflwyniadol ar gyfer llawer o’r adeiladau hanesyddol ac orielau. Cysylltwch â ni a gallwn ni drafod sut allwn ni gefnogi eich cwricwlwm ymhellach: ffôn (029) 2057 3546 / e-bost: addysg.sainffagan@amgueddfacymru.ac.uk