🔍 Darganfod ac Archwilio

Ymunwch â ni mewn gweithdy llawn dop o STEM i ddarganfod hanes a gwyddoniaeth ffrwydradau yn y pyllau glo. Dysgwch sut mae adweithiau cemegol tanddaearol yn effeithio ar ddiogelwch mewn pyllau glo. Archwiliwch sut mae mater fel nwy a llwch yn adweithio i greu ffrwydrad, a datblygiad hanesyddol y diwydiant glo yng Nghymru.

✏️ Cymryd Rhan 

Yn ystod y gweithdy hwn a fydd wedi’i hwyluso, bydd y disgyblion yn gweld arbrofion sy’n dangos sut roedd ffrwydradau tanddaearol yn digwydd, a pha mor ddinistriol gallen nhw fod.

ℹ️ Ynglŷn â’r sesiwn hon

Mae’r sesiwn hon yn dangos ffrwydradau llwch, sy’n gwneud synau mawr a fflachiadau golau pan fyddan nhw’n cael eu cynnau. Rhowch wybod i ni pan fyddwch chi'n archebu os oes gennych unrhyw ddisgyblion a fyddai'n sensitif i'r profiadau hyn, a byddwn yn gwneud ein gorau glas i wneud i bawb deimlo'n gyfforddus.

Yn addas ar gyfer 11 mlynedd +