Mae ymwybyddiaeth ofalgar yn ymadrodd ac yn arfer cynyddol gyfarwydd, gydag astudiaethau’n awgrymu ei bod yn cael effaith gadarnhaol ar iechyd a llesiant.

Yn syml, ymwybyddiaeth ofalgar yw sylwi ar yr hyn sy’n digwydd yn yr yma a’r nawr, cymryd seibiant a galluogi’n hunain i ganolbwyntio ar y presennol.

Rydyn ni’n credu bod oriel gelf yn lle perffaith ar gyfer ymarfer ymwybyddiaeth ofalgar. Rydyn ni’n estyn gwahoddiad i chi roi cynnig ar ein llwybr celf ymwybyddiaeth ofalgar, ac archwilio ymarferion ymwybyddiaeth ofalgar syml.

Ddim yn siŵr ble i ddechrau? Rydyn ni wedi mapio llwybr drwy’r orielau, gydag argymhellion ar gyfer chwe man i oedi. Mae awgrymiadau ymgysylltu ar bob pwynt i chi roi cynnig arnyn nhw, neu mae croeso i chi arbrofi gyda beth bynnag sy’n teimlo’n gyfforddus i chi.