Ymwybyddiaeth Ofalgar

Gweithdy Amgueddfa

🔍 Darganfod ac Archwilio

Mae ymweliad ag amgueddfa neu oriel gelf yn cynnig amgylchedd cyfoethog a diogel i gydnabod a chefnogi ein hiechyd meddwl. Ymunwch â ni yn Amgueddfa Genedlaethol Caerdydd i ddarganfod llonyddwch, creadigrwydd a chysylltiad personol yn y gweithdy rhyngweithiol hwn. Yn orielau celf ysbrydoledig yr Amgueddfa, mae’r gweithdy hwn yn annog dysgwyr i arafu, archwilio eu synhwyrau ac ymgysylltu â’r casgliadau mewn ffordd feddylgar.

✏️ Cymryd rhan

Yng nghwmni un o’n hwyluswyr, bydd dysgwyr yn cymryd rhan mewn amrywiaeth o weithgareddau meddylgar yn yr orielau celf. Bydd cyfle i ddatblygu strategaethau meddwl gweledol a rhoi cynnig ar weithgareddau meddylgar creadigol mewn amgylchedd hollol unigryw.

ℹ️ Am y Sesiwn hon

Bydd ein hwyluswyr yn annog dysgwyr i ymgysylltu â’u synhwyrau. Rhowch wybod i ni wrth archebu os oes gennych chi ddisgyblion a allai fod yn sensitif i’r profiadau hyn, ac fe wnawn ein gorau i wneud i bawb deimlo’n gyfforddus!

Hyd: 1 awr

Tâl: Dan arweiniad staff yr Amgueddfa – £40 am hyd at 15 disgybl, £60 am hyd at 35 disgybl. Am ddim i rai ysgolion (gwelwch sut i archebu).

Cwricwlwm

Y Celfyddydau Mynegiannol

Mae archwilio’r celfyddydau mynegiannol yn hanfodol er mwyn dyfnhau sgiliau a gwybodaeth gelfyddydol, ac mae’n galluogi dysgwyr i ddod yn unigolion chwilfrydig a chreadigol.
Mae ymateb a myfyrio, fel artist ac fel cynulleidfa, yn rhan hanfodol o ddysgu yn y celfyddydau mynegiannol.
Mae creu yn cyfuno sgiliau a gwybodaeth, gan dynnu ar y synhwyrau, ysbrydoliaeth a dychymyg.

Iechyd a Lles

Mae datblygu iechyd a lles y corff yn arwain at fuddiannau gydol oes.
Mae’r ffordd rydym yn prosesu ein profiadau ac yn ymateb iddyn nhw yn effeithio ar ein hiechyd meddwl a’n lles emosiynol.
Mae’r ffordd rydym yn ymwneud â dylanwadau cymdeithasol yn siapio pwy ydyn ni, ac yn effeithio ar ein hiechyd a’n lles.

Ieithoedd, Llythrennedd a Chyfathrebu