Cymru, Ymerodraeth a Gwladychiaeth

Gweithdy Amgueddfa

Cymru, Ymerodraeth a Gwladychiaeth

🔍 Darganfod ac archwilio

Archwiliwch hanesion cudd rôl Cymru yn y broses o greu'r Ymerodraeth Brydeinig. O'r diwydiannau a arweiniodd at ehangu’r ymerodraeth i weithiau celf sy'n adlewyrchu balchder a phrotest yn wyneb grym imperialaidd, bydd dysgwyr yn archwilio ehangder casgliad Amgueddfa Genedlaethol Caerdydd yn y gweithdy rhyngweithiol hwn. Bydd dysgwyr yn darganfod sut mae gwladychiaeth wedi effeithio ar gymdeithasau ledled y byd a'i heffaith ar y byd naturiol. Drwy wrthrychau, straeon ac ymatebion creadigol, byddwn yn archwilio etifeddiaeth gymhleth yr ymerodraeth a sut mae’n parhau i effeithio ar Gymru a'r byd ehangach heddiw.

✏️ Cymryd rhan

Bydd dysgwyr yn archwilio sut mae amgueddfeydd yn mynd i'r afael â'r materion cymhleth hyn drwy ailgynllunio arddangosfa amgueddfa. Byddant yn cael eu hannog i feddwl am sut olwg fydd ar eu harddangosfa, y testun y byddant yn ei ddefnyddio a'r hanesion gwladychol y byddant yn eu portreadu drwy'r gwrthrychau.

ℹ️ Ynglŷn â'r sesiwn hon

Mae'r gweithdy hwn yn trafod themâu hiliaeth, caethwasiaeth a gwladychiaeth. Rhowch wybod i ni pan fyddwch chi'n archebu os oes gennych chi unrhyw ddisgyblion a fyddai'n sensitif i'r profiadau hyn, a byddwn ni'n gwneud ein gorau i wneud i bawb deimlo'n gyfforddus!

Hyd: 1 awr

Tâl: Dan arweiniad staff yr Amgueddfa – £40 am hyd at 15 disgybl, £60 am hyd at 35 disgybl. Am ddim i rai ysgolion (gwelwch sut i archebu).

Cwricwlwm

Y Dyniaethau

Mae cymdeithasau dynol yn gymhleth ac yn amrywiol, ac maen nhw’n cael eu llywio gan weithredoedd a chredoau pobl.
Mae dinasyddion gwybodus, hunanymwybodol yn mynd i’r afael â'r heriau a'r cyfleoedd sy'n wynebu dynoliaeth ac yn gallu cymryd camau ystyrlon ac egwyddorol.

Y Celfyddydau Mynegiannol

Mae archwilio'r celfyddydau mynegiannol yn hanfodol er mwyn dyfnhau sgiliau a gwybodaeth gelfyddydol. ac mae'n galluogi dysgwyr i ddod yn unigolion chwilfrydig a chreadigol.
Mae ymateb a myfyrio, fel artist ac fel cynulleidfa, yn rhan hanfodol o ddysgu yn y celfyddydau mynegiannol.

Iechyd a Lles

Mae’r ffordd rydym yn prosesu ein profiadau ac yn ymateb iddyn nhw yn effeithio ar ein hiechyd meddwl a'n lles emosiynol.
Mae’r ffordd rydym yn gwneud penderfyniadau yn effeithio ar ansawdd ein bywydau ni a bywydau eraill.

Gwyddoniaeth a Thechnoleg

Mae bod yn chwilfrydig a chwilio am atebion yn hanfodol i ddeall a rhagfynegi ffenomenau.
Mae'r byd o'n cwmpas yn llawn pethau byw sy'n dibynnu ar ei gilydd i oroesi.