🔍 Darganfod ac Archwilio

Ar 15 Mehefin 1910, roedd tyrfa fawr, gyffrous a swnllyd yn ffarwelio’n llon â llong wrth iddi adael Basn y Rhath yn nociau Caerdydd. Yr SS Terra Nova oedd y llong, ac roedd hi’n mynd tua’r de — i’r Antarctig. Ar ei bwrdd roedd Capten Robert Falcon Scott ac aelodau o Alldaith Antarctig Prydain. Eu nod oedd archwilio’r Antarctig a bod y cyntaf i gyrraedd Pegwn y De. Dysgwch am y fordaith hon a pham ariannodd y Cymry ran fawr ohoni.

✏️Cymryd rhan

Bydd eich dosbarth yn darganfod cysylltiadau rhwng Cymru â’r alldaith Antarctig hon. Dysgwch am y criw a beth oedd ei angen arnynt i baratoi am yr Antarctig. Byddwch yn archwilio gwrthrychau go iawn, llythyrau, a chofnodion dyddiadur wrth i chi ddarganfod pwy gyrhaeddodd Begwn y De yn gyntaf.

ℹ️Ynglŷn â’r sesiwn hon 

Mae’r gweithdy’n archwilio themâu marwolaeth ac anafiadau wrth i ni edrych ar dynged aelodau’r criw. Rhowch wybod i ni pan fyddwch chi'n archebu os oes gennych unrhyw ddisgyblion a fyddai'n sensitif i'r pynciau hyn, a byddwn yn gwneud ein gorau glas i wneud i bawb deimlo'n gyfforddus.