Mae'r cwcis hyn yn gwbl angenrheidiol ar gyfer weithrediad y wefan.
Rydym yn defnyddio Google Analytics i fesur sut ydych yn defnyddio'r wefan er mwyn i ni ei wella yn seiliedig ar angen defnyddwyr.
Gall y cwcis hyn gael eu gosod gan wefannau trydydd parti a gwneud pethau fel mesur sut rydych yn gwylio fideos YouTube.
🔍 Darganfod ac Archwilio
Pam fod y Lleuad i weld yn newid ei siâp? Beth wnaethon ni ei ddysgu o deithiau Apollo? Bydd y disgyblion yn dysgu am weddau'r Lleuad, gweld beth wnaeth yr astronotiaid ei ganfod ar yr wyneb, ac archwilio samplau o gerrig a meteorynnau go iawn er mwyn dod i gasgliad am arwyneb y Lleuad.
✏️ Cymryd Rhan
Dewch yn wyddonydd planedau! Defnyddiwch esboniad syml i ddeall gweddau'r Lleuad, cyn mesur craterau ar fapiau o'r Lleuad a defnyddio'r data i gyfrifo eu maint a'u lleoliad. Byddwch chi’n trin a thrafod meteorynnau o gasgliadau'r Amgueddfa ac arbrofi gyda chreu craterau wrth ddysgu am yr heriau oedd astronotiaid Apollo eu hwynebu wrth wneud eu harbrofion.
ℹ️ Am y Sesiwn hon
Rhowch wybod i ni wrth archebu os oes gennych chi ddisgyblion a allai fod yn sensitif i’r profiadau hyn, ac fe wnawn ein gorau i wneud i bawb deimlo’n gyfforddus!
Amgueddfa’r Lleuad
Y gwanwyn hwn, bydd Amgueddfa'r Lleuad gan artist y DU Luke Jerram, yn trawsnewid Amgueddfa Genedlaethol Caerdydd gyda cherflun saith metr disglair sy'n cynnwys delweddau manwl o NASA ynghyd â thrac sain hudolus. Mwy o wybodaeth.
Gwyddoniaeth a Thechnoleg
Mae bod yn chwilfrydig a chwilio am atebion yn hanfodol i ddeall a rhagfynegi ffenomenau.
Mae meddylfryd dylunio a pheirianneg yn cynnig ffyrdd technegol a chreadigol i ddiwallu anghenion a dymuniadau cymdeithas.
Mae mater, a’r ffordd y mae’n ymddwyn, yn diffinio ein bydysawd ac yn ffurfio ein bywydau.
Mae grymoedd ac egni yn gosod sail i ddeall ein bydysawd.
I archebu neu i drafod y sesiwn ffoniwch (029) 2057 3240 neu e-bostiwch addysg@amgueddfacymru.ac.uk
