Profiad Gwaith Ysgol

  • Dau berson yn eistedd wrth fainc labordy yn defnyddio microsgopau gyda samplau bach a chaledwedd wedi’u gosod allan.
  • Pobl yn sefyll mewn theatr gyda seddi coch a phaneli pren, un yn dal dalen o bapur.
  • Pobl mewn stiwdio dywyll yn ffotograffu map mawr ar fwrdd ac yn adolygu delweddau ar sgriniau cyfrifiadur.
  • Dau berson yn gwisgo helmedau gladiator Rhufeinig atgynhyrchiedig ac yn dal tarianau a gwaywffyn yn yr awyr agored ger pebyll.

Wyt ti'n fyfyriwr coleg neu ysgol gyda diddordeb mewn hanes a threftadaeth? Eisiau dysgu am y swyddi a chyfleoedd gyrfa mewn amgueddfa?

Bydd profiad gwaith ar gael i fyfyrwyr coleg neu ysgol ar draws safleoedd Amgueddfa Cymru.

Byddwn yn cynnig un wythnos o brofiad gwaith ym mis Gorffennaf mewn Cymraeg neu Saesneg. Mae angen i chi fod yn 15-17 mlwydd oed i gymryd rhan. Bydd angen i ti allu teithio i'r amgueddfa, er mae'n bosibl y gallwn ni gyfrannu at gost tocyn bws.


Rydyn ni'n chwilio am fyfyrwyr coleg a ysgol sydd:

  • Â diddordeb yn hanes Cymru, ac yn arbennig hanes sy'n berthnasol i'r amgueddfa wyt ti’n ei dewis.
  • Yn barod i gymryd rhan.
  • Yn barod i ddysgu a datblygu sgiliau newydd.

Beth alli di ei gael o'r profiad?

Bydd cyfle i dreulio amser gyda gwahanol adrannau yn yr amgueddfa. Gallai hyn olygu cysgodi timau profiad ymwelwyr neu'r adran addysg, neu weithio tu ôl i'r llenni gyda'r timau marchnata, casgliadau neu guraduron. Bydd pob dydd yn wahanol, a byddi’n dysgu sut mae amgueddfa yn gweithio. Byddi’n helpu gyda tasgau fel:

  • Croesawu a helpu ymwelwyr.
  • Ysgrifennu deunydd marchnata, fel blog neu erthyglau.
  • Ymchwil ar y cyfrifiadur neu gofnodi data.
  • Helpu i baratoi gweithgareddau addysg.
  • Llenwi silffoedd yn y siop.
  • Cadwraeth neu lanhau casgliadau.
Bydd cyfle i brofi gwaith Amgueddfa Cymru ar draws y wlad ac yn y gwahanol amgueddfeydd, yn ogystal â'r amgueddfa rwyt ti wedi’i dewis.

Cofrestrwch Yma.

Dyddiad cau 19 Mawrth 5yh.