Gwirfoddoli Unigol

  • Gwirfoddolwr yn gwisgo crys-t gwirfoddoli coch, yn dyfrio blodau yn nôl drefol Amgueddfa Genedlaethol Caerdydd.
  • Lleoliad gwaith myfyriwr yn edrych ar arteffact bach gan ddefnyddio chwyddwydr.
  • Dau wirfoddolwr yn gwisgo cotiau coch gwirfoddoli, yn gwenu tuag at y camera.
  • Dau berson yn eistedd yn nyddu edafedd neu'n gwau.
  • Lleoliad gwaith myfyriwr gyda'r gof, yn gweithio yn yr efail.
  • Gwirfoddolwr yn gwenu at y camera.

Cyfleon Cyfredol

Gwirfoddolwyr Ymchwil, Amgueddfa Lechi Cymru

Dyddiad cau: 4 Mawrth 2026 (erbyn 5pm)

Pwrpas y rôl: Mae Amgueddfa Lechi Cymru ar gau am y tro wrth i ni ailddatblygu’r safle a gwneud gwaith hanfodol i ofalu am yr adeilad. Y tu ôl i'r llenni, rydym yn edrych ar ffyrdd cyffrous o rannu’r stori llechi. Hoffech chi ein helpu i baratoi ar gyfer hyn trwy wneud ymchwil?


Mae’r gweithgaredd yma yn rhan o brosiect ailddatblygu Amgueddfa Lechi Cymru a gyllidir gan Gronfa Treftadaeth y Loteri Genedlaethol yn ogystal â chymorth gan Lywodraeth Cymru, Llywodraeth y DU drwy Gyngor Gwynedd fel rhan o’r prosiect Llewyrch o'r Llechi, Rhaglen Cyfleusterau Cymunedol Llywodraeth Cymru, Sefydliad Garfield Weston ac arianwyr eraill.

Darllenwch y disgrifiad llawn (PDF)

Sut i Gymryd Rhan?

  1. Cofiwch ddarllen y Disgrifiad Rôl i wneud yn siŵr mai dyma'r rôl gywir i chi. Cofiwch ystyried yr ymrwymiad amser ac unrhyw ystyriaethau eraill rydyn ni wedi'u cynnwys.
  2. Cwblhewch y ffurflen ar-lein.
  3. Os oes well gennych fersiwn PDF, lawrlwytho’r Ffurflen Gofrestru PDF a'i dychwelyd at gwirfoddoli@amgueddfacymru.ac.uk neu drwy'r post at Adran Ymgysylltu, Sain Ffagan Amgueddfa Werin Cymru, Caerdydd CF5 6XB.          
    Rydyn ni'n derbyn ceisiadau dros y ffôn hefyd, neu drwy fideo neu glip sain byr. Ffoniwch (029) 2057 3002 am ragor o wybodaeth.
  4. Os cewch chi eich dewis ar gyfer y rôl, byddwn ni’n cysylltu dros e-bost. Efallai y cewch eich gwahodd i gyfarfod anffurfiol neu ddiwrnod agored grŵp.              
    Allwn ni ddim gwarantu lle, ond rydyn ni'n sicrhau bod pob cais yn cael ei drin yn deg a bod pob un yn cael ei gyflwyno i oruchwyliwr y rôl i'w ystyried.

Cwblhau’r Ffurflen Ar-lein 

Rydym ni gyda ffurflen arlein newydd. Mae ffurflen pdf ar gael i'w gyrru drwy e-bost os oes gennych drafferth gyda'r ffurflen arlein newydd.