Dyma ruban main o aur sydd wedi’i droelli’n llac, gan feinhau tua’r terfynellau bachog cul ar y ddau ben. Credir mai o gwmpas y gwddf y byddai’r addurn hwn yn cael ei wisgo. Mae toriad rhannol mewn un man ar hyd y rhuban. Rhaid nodi bod y dorch wedi’i hanffurfio a’i gwasgu’n belen gyda dwy dorch arall pan ganfuwyd hi. Felly dehongliad o’i ffurf a’i dimensiynau gwreiddiol yw’r dorch yn ei chyflwr presennol.

Torch ruban aur, 1400-1300 CC. Arwydd o statws a chyfoeth oedd y torchau rhuban. Cawsant eu creu trwy droelli stribedi tenau o aur. Roedd y bachau bob pen yn cadw’r torchau yn eu lle. Pan gafwyd hyd i’r gelc hwn, roedd y torchau wedi cael eu gwasgu’n un bêl aur. Mae archaeolegwyr wedi gweld arfer tebyg mewn llefydd eraill ym Mhrydain hefyd. Mae’n awgrymu bod difetha’r gwrthrychau yn weithred arwyddocaol i’r bobl oedd yn eu claddu.

Project Title: Gold in Britain’s auriferous regions, 2450-800 BC: towards a coherent Research Framework and Strategy. Status: Arts & Humanities Research Council (AHRC) Network Grant funded project (2018-2019)

WA_SC 18.1