Fel rhan o osodwaith Mae’r Briw yn Borth gwirfoddolodd wyth unigolyn Du o Trinidad i gael tatŵ ar eu cyrff gan yr artist Gesiye. Anogodd y sgyrsiau a ddeilliodd o hynny iachâd unigol a chymunedol i fynd i’r afael â thrawma cenhedlaeth o gaethwasiaeth a’r ffordd mae’r trawma hwn wedi effeithio ar berthynas y boblogaeth Affricanaidd ar wasgar â’r tir. Mae'r gosodwaith yn cynnwys wyth portread ffotograffig, animeiddiad o'r tatŵs sy'n cysylltu'r cyfranogwyr â'i gilydd, a ffilm wedi'i lleisio gan Gesiye sy'n dilyn taith gorfforol a throsiadol yr artist o'r môr i ganol ynys Trinidad.