Mae'r tebygrwydd rhwng y llun hwn a phortreadau wedi'u llofnodi o wraig a merch y dyn sydd yn y llun yn awgrymu mai Fellowes a beintiodd ef, ym 1751. Yn ôl y nodyn ar gefn y llun William Vaughan (~1707-1775) o Gorsygedol, Sir Feirionnydd, yw'r gwrthrych. Hanai o hen deulu, disgynyddion honedig o un o wardiaid Llywelyn Fawr. Cafodd ei addysg yng Nghaergrawnt, bu'n AS yn Sir Feirionnydd, ac ef hefyd oedd 'Prif Lywydd' cyntaf Cymdeithas Anrhydeddus y Cymmrodorion. O Nannau, ger Dolgellau, y daeth y llun hwn.