Mae dyn mewn cap stabal yn cerdded y ci ar stryd serth ym Mhendyrus, y Rhondda. Mae'r ci'n anadlu'n drwm ac yn tynnu'n eiddgar ar y tennyn. Tu ôl iddynt, mae dau berson arall. Gallwn ni weld ar draws y dyffryn o'r fan hyn. Ar waelod y dyffryn mae rhesi o dai teras, traciau rheilffyrdd, ac adeiladau diwydiannol yn cordeddu, gan ddilyn ochrau'r mynydd.

Tynnwyd y ffotograff hwn gan David Hurn yn 1971. Heddiw, mae David Hurn yn un o ffotograffwyr dogfennol enwocaf Prydain. Treuliodd lawer o'i yrfa yn dogfennu bywyd bob dydd yng Nghymru.