Fellowes Pinx 1751' yw llofnod yr arlunydd ar gefn y cynfas hwn. Er na chaiff y wraig yn y llun ei henwi, mae'r tebygrwydd rhwng y portread hwn a'r un o William Vaughan yn awgrymu mai ei wraig Catherine Nanney (1692-1768) yw'r testun. Roedd yn ferch ac yn etifedd i Hugh Nanney, AS Sir Feirionnydd a hi oedd aelod olaf hen deulu a honnai fod yn ddisgynyddion i'r tywysog Ynyr Hen, o'r 13eg ganrif. Ei phriodas ym 1732 oedd yr olaf o gyfres o briodasau rhwng teuluoedd Nanney a Vaughan, y ddau deulu mwyaf dylanwadol yn Sir Feirionnydd. Daeth y darlun o Nannau ger Dolgellau.