Ganed Barker ger Pont-y pŵl, ond symudodd y teulu o Gaerfaddon tua 1782. Er nad oedd iddo enw mawr yn Llundain, câi ei ystyried yn rhyfeddol o ddawnus ac yn olynydd teilwng i Gainsborough. Dibynnai ei boblogrwydd cynnar i raddau ar noddwr lleol o'r enw Charles Spackman, a'i hanfonodd i'r Eidal ym 1790-93. Mae'n debyg mai yno y peintiwyd y braslun olew hwn o ferch yn ymdrechu i gario bwced.