Wedi'i ysgrifennu ar gefn y gwaith yma mae: "Pan ddechreuais i dynnu lluniau o'r menywod fuodd yn perfformio’r striptease mewn carnifalau ddechrau'r 1970au, roedd gen i ddau Leica: un ar gyfer lliw, y llall ar gyfer du a gwyn. Fe wnes i bortreadau gyda chamera fformat canolig. Wrth i mi drochi fy hun ymhellach ym myd y Sioeau Merched, sylweddolais na allai ASA ffilm lliw ar y pryd drin yr amlygiad roeddwn ei angen. Roedd golau dydd yn iawn, ond erbyn y nos roeddwn i'n saethu â llaw ar gyflymder caead isel ac roedd yn rhaid i mi wthio'r ffilm du a gwyn i 1600 i ddangos tu mewn i'r ystafell wisgo a'r perfformiadau. Y drws hwn oedd mynedfa'r babell ar gyfer 'Dynion a dynion yn unig, dim merched, dim babanod'. Roedd cael fy eithrio yn fy ysgogi i sleifio mewn wedi fy ngwisgo fel dyn ifanc. Dw i nawr jyst yn dechrau ailddarganfod y lliw sydd wedi ei gladdu yn fy archif, sy'n gwneud i mi feddwl pa mor wahanol fyddai'r gwaith hwnnw wedi bod efo digidol heddiw." — Susan Meiselas