Mae'r cwcis hyn yn gwbl angenrheidiol ar gyfer weithrediad y wefan.
Rydym yn defnyddio Google Analytics i fesur sut ydych yn defnyddio'r wefan er mwyn i ni ei wella yn seiliedig ar angen defnyddwyr.
Gall y cwcis hyn gael eu gosod gan wefannau trydydd parti a gwneud pethau fel mesur sut rydych yn gwylio fideos YouTube.
Ganwyd Terrence Higgins yn Sir Benfro ym 1945 a bu farw ym 1982 – roedd yn un o'r bobl gyntaf ym Mhrydain i farw o afiechyd yn gysylltiedig ag AIDS. I nodi deugain mlynedd ers ei farwolaeth, mae'r arddangosfa hon yn cynnwys portread newydd i’r Amgueddfa o Terrence Higgins gan yr artist Nathan Wyburn. Mae'r portread ei hun yn cynnwys stampiau inc Ymddiriedolaeth Terrence Higgins, elusen a sefydlwyd ym 1982 er mwyn addysgu, cefnogi a thaflu goleuni ar y stigma yn ogystal ag achosion newydd o HIV.
Ochr yn ochr â'r portread, dangoswyd y plac gwreiddiol oddi ar y goeden sy'n coffáu pobl o Gymru a fu farw o AIDS. Nod yr arddangosfa oedd coffáu’r rhai a gollwyd yn ogystal ag amlygu’r sefydliadau sy’n brwydro dros newid cadarnhaol ac sydd wedi’u sefydlu o ganlyniad i bandemig AIDS.
