🔍 Darganfod ac Archwilio

Oeddech chi’n gwybod fod gennym ni gychod gwenyn ar do’r Amgueddfa? Neu fod rhai o’n Gwyddonwyr Amgueddfa yn astudio pryfed? Darganfyddwch sut rydyn ni’n dosbarthu bwystfilod bach, archwilio eu cylchoedd bywyd, a dysgu sut maen nhw’n ein helpu ni a sut allwn ni eu helpu nhw.

✏️ Cymryd Rhan

Gan weithio fel gwyddonwyr a defnyddio sbesimenau pryfed go iawn o’n casgliadau, bydd dysgwyr yn archwilio bwystfilod bach yn fanwl gyda chwyddwydrau, cyn gweithio mewn timau i’w didoli yn grwpiau. Byddan nhw’n edrych ar gylch bywyd pryf sidan gan ddefnyddio enghreifftiau sydd wedi’u cadw, ac yn cydweithio i adeiladu cylchoedd bywyd pryfed. Yn olaf, byddan nhw’n atgyfnerthu’r hyn maen nhw wedi’i ddysgu trwy greu celf pryfed.

ℹ️ Am y Sesiwn hon

Mae’r sesiwn hon yn cynnwys edrych ar fwystfilod bach go iawn, sydd wedi’u cadw’n bennaf mewn blociau resin clir. Gall y rhain achosi pryder i rai disgyblion. Byddai modd defnyddio modelau i gyflawni rhai o’r amcanion dysgu os oes angen.