Breuddwydion y dyfodol - Gwyddoniaeth a chelf hedfan ar droad yr 20fed ganrif

Gweithdy Amgueddfa

Breuddwydion y dyfodol | Gwyddoniaeth a chelf hedfan ar droad yr ugeinfed ganrif

🔍Darganfod ac Archwilio

Sut beth oedd hedfan yn y dyddiau cynnar? Gwrandewch ar stori awyren monoplan yr Amgueddfa, y ‘Robin Goch’, a’r dyfeisydd o Gaerdydd, Charles Horrace Watkins. Yn ystod y gweithdy darlunio ac ysgrifennu creadigol hwn, bydd y disgyblion yn archwilio straeon anhygoel am ddyddiau cynnar hedfan, gwyddoniaeth, dyfeisio, a chelf ar droad yr ugeinfed ganrif.

✏️Cymryd rhan

Bydd Thomas Docherty, awdur a darlunydd lleol clodwiw, yn ysbrydoli’r disgyblion i ddechrau eu taith lenyddol ddychmygus eu hunain.

ℹ️ Ynglŷn â’r sesiwn hon

Bydd Thomas Docherty yn eich tywys drwy weithdy darlunio ac ysgrifennu creadigol, wedi’i ysbrydoli gan stori wir y ‘Robin Goch’. Hwyl, hanesyddol, creadigol, ac ysbrydoledig!

Hyd: 1 awr

Tâl: Dan arweiniad staff yr Amgueddfa – £40 am hyd at 15 disgybl, £60 am hyd at 35 disgybl. Am ddim i rai ysgolion (gwelwch sut i archebu).

Cwricwlwm

Y Celfyddydau Mynegiannol

Mae archwilio'r celfyddydau mynegiannol yn hanfodol er mwyn dyfnhau sgiliau a gwybodaeth gelfyddydol, ac mae'n galluogi dysgwyr i ddod yn unigolion chwilfrydig a chreadigol.

Ieithoedd, Llythrenedd a Chyfathrebu

Mae llenyddiaeth yn tanio'r dychymyg ac yn ysbrydoli dychymyg.