Er mwyn cydnabod dau gan mlynedd ers adeiladu Castell Cyfarthfa, mae Adran Addysg BBC Cymru - gyda chyngor gan Amgueddfa Cymru - wedi datblygu adnoddau dwyieithog i ddathlu hanes diwydiannol Merthyr Tudful.

Mae’r pecyn hwn yn gasgliad o adnoddau parod i athrawon fydd yn ysbrydoli disgyblion ac yn dod â’r Chwyldro Diwydiannol yn fyw drwy gyfrwng gwersi a thasgau cyffrous.

Ceir yma weithgareddau hwyliog – wedi eu creu gan athrawon – sy’n addas ar gyfer disgyblion Blwyddyn 4, 5 a 6. Mae’r gweithgareddau wedi eu cynllunio i gyd-fynd â’r Cwricwlwm i Gymru ac yn darparu cyfleoedd cyfoethog i athrawon ddatblygu’r Pedwar Diben ac archwilio’r Meysydd Dysgu a Phrofiad gyda’u dosbarth. Mae hyblygrwydd o fewn y gweithgareddau i'w haddasu ar gyfer pob disgybl a’u llwybrau dysgu unigol.

Lawrlwythwch Becyn Bitesize Merthyr sy’n addas ar gyfer disgyblion cynradd (Blynyddoedd 4, 5 a 6)