🔍 Darganfod ac Archwilio

Ymunwch â hwylusydd i archwilio'r coed, adar, pryfed a'r anifeiliaid sy'n gwneud Sain Ffagan ei gartref. Mae'r gweithdy ymarferol hwn yn gyfle gwych i gysylltu â natur a dysgu sut i'w hamddiffyn.

✏️ Cymerwch Ran

Gall gweithgareddau tymhorol gynnwys:

• Adnabod planhigion
• Hela bwystfilod bach
• Gwylio adar ac adeiladu nythod
• Dysgu am ein rhywogaethau gwarchodedig unigryw

Bydd cyfleoedd gan ddisgyblion i:

• Arsylwi a chyfri rhywogaethau yn eu cynefinoedd naturiol.
• Dysgu sut i efelychu'r gweithgareddau hyn yn ôl yn yr ysgol neu barc lleol.
• Darganfod ffyrdd ymarferol o ddiogelu bywyd gwyllt ar gyfer cenedlaethau'r dyfodol.
• Ymarfer ymwybyddiaeth ofalgar gan ddefnyddio eu synhwyrau yn y byd natur.

ℹ️ Am y Sesiwn Hon

Bydd y gweithdy hwn yn cymryd lle yn yr awyr agored a bydd yn amrywio yn dibynnu ar y tywydd a'r tymor.

Gwisgwch ddillad ac esgidiau addas ar gyfer yr amodau.

Yn y gweithdy hwn byddwn yn archwilio themâu sensitif newid hinsawdd a chadwraeth.

Rhowch wybod i ni pan fyddwch chi'n archebu os oes gennych chi unrhyw ddisgyblion a fyddai'n sensitif i'r profiadau hyn, a byddwn ni'n gwneud ein gorau i wneud i bawb deimlo'n gyfforddus!

Yn dilyn y gweithdy, mae adnoddau ar gael i gefnogi gweithgareddau hunan-dywys fel Gweld Adar ac Adnabod Planhigion, sy'n ymestyn y sgiliau a ddefnyddir yn y sesiwn.

Mae'r adnoddau hyn ar gael i'w defnyddio am y diwrnod gan grwpiau sydd wedi archebu'r gweithdy hwn a gellir eu casglu wrth gyrraedd.

Neu, gallech gael mynediad at yr adnoddau a'u hargraffu isod, os hoffech ddod â'ch copïau eich hun i'ch ymweliad.

Datblygwyd y gweithdy hwn gyda chymorth gan yr Ymddiriedolaeth Edina. Mae'r 20 lle cyntaf yn rhad ac am ddim i ysgolion sy'n cymryd rhan yn y prosiect Bylbiau'r Gwanwyn i Ysgolion.